趙永洪NG搏親近 波多野攻年宵萬人圍
20180213
東網電視
更多新聞短片
日本AV女優波多野結衣攻維園年宵，送愛冧市民。
日本AV女優波多野結衣在港宣傳有份演出的電影《棟篤特工》，晚上與有份演出的趙永洪殺入維園，到電影公司的年宵攤位造勢，女神穿上連身裙，雖然打扮密實，但一眾市民得悉波多野到場都非常期待，吸引近百市民圍觀。
單身過情人節好寂寞
第一年參觀香港年宵的波多野直言見到群情洶湧，有少少嚇親，但亦覺得很熱鬧很開心，問對香港印象如何？她說：「我已經第四次嚟，覺得香港男士很溫柔體貼，很想再來。」曾自爆十年冇拍拖的她，被問會否考慮搵香港男士拍拖？她表示冇問題，正招攬中。問喜歡甚麼類型？身旁的趙永洪即笑言要對方說是自己，波多野亦識做地回答：「係呀！佢（趙永洪）拍戲時好照顧我，會帶領我入戲，都好溫柔體貼。」問情人節如何度過？波多野表示仍然留港宣傳電影，亦會謝票跟Fans過。問單身會否感到寂寞？她笑言的確好寂寞！
廣東話好難講得好
講到跟波多野片中的對手戲，趙永洪表示有少少身體接觸，但冇Kiss：「佢好專業，我都好專業。（之前有冇睇過佢啲作品？）我就冇追開，你有冇私人珍藏借畀我？（得少少身體接觸有冇唔夠喉？）導演安排得咁多，惟有自己NG多幾次。」現場趙永洪又教波多野以廣東話講新年賀年說話「恭喜發財」、「新年快樂」、「利是?來」，波多野笑言廣東話很難講，但獲趙永洪讚講得不錯。
----------------------------
東網巨星開咗ig喇，大家快啲follow啦！