首年拜年送錯禮 李旻芳被未來奶奶退貨

20180213
東網電視
更多新聞短片
李旻芳今年唔會買錯拜年禮物喇!
無綫節目《東張西望》 情侶檔主持李旻芳(Lucy)及黃耀英(Darren),近日出動辦年貨迎新歲,並選購了不少海味作新年賀禮。Lucy透露今年到男友家中拜年,將送上寓意「發財好市」的髮菜及蠔豉,夠晒好意頭,包保長輩鍾意。Darren則以「口技」冧女方家長:「到時拜年見到人就講吉利嘅說話,好似萬事如意、身體健康同新一年賺多啲。最緊要準備空肚,因為Lucy媽咪太好客,成日夾餸畀我,當然佢煮得好好味,所以個肚都要留位食晒啲餸。」
不過,Lucy首次拜年見家長時,竟然試過送錯禮,她說:「當時我唔知佢屋企人鍾意食啲咩,拜年時送咗鮑魚,諗住有誠意又有體面,點知Auntie收到之後話唔要,原來佢腸胃唔太好,唔鍾意食鮑魚。」認真瘀爆!她亦再三提醒大家送禮前記得做定功課,Darren則指拜年送禮固然重要,更重要是待人有禮,入屋記得要叫人,必定可留下好印象。對於新年展望,Lucy想向綜藝方面發展,而Darren則望事業更上一層樓,賺到盆滿缽滿。
提到明天情人節,兩人表示不會特意慶祝,皆因「日日都過情人節」,So Sweet!Darren續指:「今年情人節同新年好接近,加上我又拍緊新劇,所以情人節當晚應該同屋企人提早食團年飯。不過冇所謂嘅,我哋本身唔太重視節日,有時都會唔記得對方生日或周年紀念日,最緊要係一齊開心,咁就日日都過情人節。」
場地:大棧
服裝:MZJJ
飾物及美甲:Les Nereides Hong Kong、INCOCO Hong Kong