挑戰多重人格！黃智雯除Bra玩謝袁偉豪

黃智雯在新劇中患上多重人格，分別與袁偉豪、陳智燊及郭子豪有三段感情，笑言難得有機會展現狂野一面。而袁偉豪更會周旋於黃智雯三個人格之間，為協助她保守秘密，不惜假裝「HeHe」扮戀郭子豪。

由黃智雯（Mandy）、袁偉豪、孫慧雪、陳智燊與郭子豪等主演的新劇《三個女人一個「因」》，將於周日（18日）晚上八時三十分起，每星期連播兩集。監製潘嘉德指Mandy今次挑戰演出「三面夏娃」，在劇中因多重人格而成為三個角色，分別有正經律師、狂野烈女與「愁擘擘」，三個人格互相對立，更分別與三位型男有感情線。

盡展狂野一面

Mandy坦言今次演出被監製「考牌」，她說：「睇咗好多多重人格個案同資料，用咗好多心機，自己有設計小動作，例如狂野嗰個係唔戴Bra、仲係暴力狂，一轉換過去就會大嗌想除Bra！（最鍾意邊個人格？）因為自己少演呢類狂野角色，同我自己好大對比，呢類角色可以好Freestyle咁去做，感覺似跳舞時嘅自己，特別有信心同能量，所以最鍾意。（演到精神分裂？）有一場戲係三個人格講數，我要對住塊鏡不停轉換人格，呢場係演到最分裂。」

暖男護花「出賣肉體」

而與Mandy青梅竹馬的袁偉豪，知道她患上多重人格的秘密，藉此要脅對方擔任其師傅，以完成見習律師訓練。另一方面，他亦化身「暖男」為Mandy掩飾患病真相，甚至不惜出賣肉體與郭子豪扮「HeHe」。他更與三個人格建立出不同關係，同時是Mandy的徒弟、「愁擘擘」的暗戀對象以及狂野烈女的玩物！

郭子豪騷肌咀嘴上演HeHe

爆肌型男郭子豪在劇中被Mandy的狂野人格利用，閃婚成為夫妻而令Mandy大為頭痛！身為律師的Mandy成功解除婚姻關係，但為免被人發現她多重人格的真相，只能將回港的郭子豪收留在家中，同時要求袁偉豪寄居扮男同志做「第三者」，避免二人發生男女關係，結果郭子豪的「親熱戲」卻頻頻與袁偉豪上演，二人除了有咀嘴戲外，更有不少肉帛相見的畫面，二人的粉絲記得留意。

而寄住Mandy家中的郭子豪為求解決生活費問題，身為內褲男模的他竟選擇擺攤檔賣出其「珍藏」，相當搞笑。

孫慧雪硬撬陳智燊

孫慧雪在劇中飾演黃智雯的兒時玩伴兼死對頭，在劇中搶走其未婚夫陳智燊！阿雪表示入行以來一直想演搞笑角色，她笑說：「唔知點解一直都係做楚楚可憐嘅角色，今次終於有機會搞笑，雖然係專業人士，但每次出場都有滑稽同蝦碌嘅畫面！」

阿雪又表示今次最難不是搞笑，而是記住大量專業詞彙：「今次真係令我背稿能力提升，最難忘係一晚開足十場治療室嘅戲，講足十場病名同臨床病徵之類嘅用字。」她又笑說：「劇裏面個個都有病，搞到我呢個心理學家好忙，因為暗戀陳智燊，所以我會借治療時親近佢，後面仲會幫黃智雯醫多重人格，我同陳智燊係第20期訓練班畢業嘅同學，係十年後第一次有對手戲。」