中港台狂放閃光彈!楊怡李晨陳嘉樺鬥恩愛

20180214
東網電視
更多新聞短片
范冰冰及李晨(左)、楊怡及羅仲謙(中)、陳嘉樺及賴斯翔,邊個最閃?

今日係一年一度2月14日情人節,又到咗大家攞正牌放閃嘅日子喇!中港台三地嘅藝人都爭住轟炸大家!

李晨玩驚喜

先嚟嘅就係大陸女星范冰冰,男友李晨上載咗幾張相,不過就唔見冰冰,原來因為冰冰要工作冇假放,所以佢就托友人準備咗驚喜,喺酒店房枱上放咗個蛋糕,上面仲寫住「愛你的晨兒」,再圍住蠟燭,加埋一對洋娃娃,真係非常浪漫又細心呀!李晨留言:「下面是來自一位男友誠摯的解釋:因為工作等各種原因檔期協調不開,沒能將自己快遞到置身國外拍戲的你的身邊,為了表達悔意我已讓國外友人為你安排了一個小驚喜。並準備好年貨若干,我冰,盼你盡快收工肥來年夜飯,順祝劇組同仁一切順利。」

陳嘉樺機上過節

而台灣女團S.H.E成員陳嘉樺(Ella)同老公賴斯翔一向非常恩愛,佢哋最近仲撇低囝囝「勁寶」去咗紐約,因為Ella要參加時裝周!兩公婆梗係要乘機拍拖,Ella又晒Sweet爆合照!佢透露今日就會返台灣過年,所以就喺機上過情人節,Ella話:「這趟時尚之旅當然少不了買衣買鞋買買買到瘋掉,買到行李箱快爆炸裝不下。今天情人節祝大家情人節快樂!今年情人節就跟你們解孵在飛機上過!」

楊怡晒腿放閃

最後香港代表就係有索爆人妻楊怡同肌男老公羅仲謙喇!楊怡喺微博上載合照,同到着上露肩衫嘅佢戴上黑超,坐喺沙灘上嘅櫈,大晒白滑美腿,而謙謙就瞓喺老婆大髀,Sweet爆對望!佢留言:「祝大家情人節快樂[愛你][愛你]Happy Valentine’s Day」真係閃爆Mon喇!

----------------------------
東網巨星開咗ig喇,大家快啲follow啦!
 https://goo.gl/KGuo2N