時裝車禍！逆齡王菲戴洗碗手套搶那英Fo
20180216
東網電視
更多新聞短片
王菲戴住價值29蚊人仔嘅洗碗手套登春晚，配上短髮，即時年輕20歲，反觀好姊妹那英就比較老氣（右下圖）。
兩大天后王菲與那英相隔20年再度攜手登上內地《央視春晚》舞台，合唱《歲月》。已經48歲嘅王菲吸睛力依然強勁，預告以白色長裙現身的她，會與那英成黑白配，可能因為過年過節「唔老黎」嘅緣故，正式登場時卻轉了一襲「淡紫外光」絲質禮服現身，搭配耳下10cm短髮，逆齡20歲，令網民大叫「少女王菲」；反觀好朋友那英的黑白長裙配搭粗眉毛，一高一低惹人爭議，她亦忍不住在微博為自己解畫：「我覺得我的眉毛挺好的啊 大家過年好 姐回家包餃子去啦！」
每次登陸春晚王菲都有殺手鐧，眼利的觀眾一睇就發現，冇錯就係喺佢對手度，嗰對「名牌手套」呢！呢對嘢好受家庭主婦歡迎，網友之後紛紛搜尋，發現王菲所戴嘅係防水橡膠乳鉸薄款粉紫色3雙混色M型，係清潔家居嘅好幫手！好多人都買得起，售價29蚊人仔，更有戲迷爆料，佢可能係攞番喺《重慶森林》抹玻璃嗰對出嚟用，如果係咁就真係好環保喇！
出場喇！王菲牽着那英的手休閒隨性地步下樓梯，乜嘢叫仙氣？就係咁囉！而本來霸氣十足嘅那英只可以用大方嚟形容囉！
----------------------------
東網巨星開咗ig喇，大家快啲follow啦！