下年派雙封利是？黃心穎幫馬國明做定表示
20180216
東網電視
更多新聞短片
黃心穎去電視城參加直播節目。
藝人黃心穎、馮盈盈、張寶兒、莊思明等到將軍澳電視城參與直播節目《靈犬獻瑞賀新歲》，齊以狗狗裝大玩遊戲。見心穎兩個口袋放滿利是，問今年是否荷包腫脹？她笑言：「因為新年要開工，都係準備畀同事嘅，試過有一年唔夠派！（包大利是畀家人？）緊係會，每年都包大利是畀媽咪，不過今年手緊，我要供樓呀！」與男友馬國明感情穩定的心穎，問到可會搵多個人分擔下？她笑言：「我都仲可以賺到錢養自己嘅！（下年派雙封？）講到咁長遠？未係機會，加多啲餡都仲得嘅。」
講到新一年願望，心穎希望新一年能夠健健康康，她說：「依家要嘅好簡單，做演員希望有足夠精神同體力，加上今年犯太歲，自己都有少少迷信，會請媽咪幫我攝太歲。」問到日前情人節，男友馬國明有否表示？心穎笑言：「情人節全日要開工。（少少睇戲時間都冇？）睇電視都冇呀。（冇表示？）少少好Sweet同Simple嘅嘢，唔透露太多。（等馬國明上嚟拜年？）聽日就同屋企人返鄉下，未知佢有冇時間。（幫馬國明做啲表示？）我都有買定年糕畀親戚朋友嘅！」
----------------------------
東網巨星開咗ig喇，大家快啲follow啦！