視后級李佳芯田蕊妮把弄醒獅沾旺氣
20180217
東網電視
更多新聞短片
真係喜氣洋洋！
藝人田蕊妮、李佳芯（Ali）、陳山聰、譚俊彥、黃子恆及鄧佩儀去年事業發展不俗，當中佳芯榮升新加坡視后、山聰則分別於馬來西亞及無綫萬千星輝頒獎典禮獲得「最佳男配角」，早已是視后級的阿田去年演出無綫劇集《迷》，連串內心戲被指盡晒精湛演技，一度成為網民熱話。踏入狗年，眾星特別相約一起醒獅，希望藉住醒獅的威勢，於娛樂圈繼續發光發亮。
搞個大個佛
一班大細路甫拎起醒獅已不斷把玩，阿田與佳芯更輪住拿起獅頭舞來舞去，由於獅頭實在太重，兩女不消一會已高呼投降，改拿大頭佛扮鬼臉，阿田更擺出大頭佛表情，引得眾人哈哈大笑，期間更互相整蠱，齊齊打成一片。
去年有三劇播出的阿田，直言度過了一個很滿足的雞年，故今年會放慢腳步，她謂：「好似電腦咁重新Boot部機，拍劇遲一部先，想做吓主持同出唱片，去出多啲旅行，目標係使晒17年所賺嘅錢，希望3月去西藏睇吓，到時冇朋友都會自己去。」
三劇在手
而同樣有三劇出街的佳芯，則形容去年是奇迹及豐收年，她謂：「《誇世代》同《踩過界》角色觀眾都鍾意，《踩》劇仲拎埋視后，真係冇諗過，覺得開心同辛苦完係有認同，18年就繼續忙，知道已經有三套劇，劇集以外就想喺唱歌同舞台劇嘗試吓！」
去年多事發生
山聰就指去年屬多事發生的一年，但亦非常興奮及感恩，他謂：「感情方面同伍詠薇破冰，工作就喺兩個地方都拎咗男配角，原來暖男角色係咁重要，得到大家認同好難得，今年想試吓唔同嘢。」
至於譚俊彥寄望狗年能多點時間陪家人，去年做盡反派角色的子恆，則表示望今年能作多方面嘗試，至於佩儀就想嘗試拍旅遊節目。
攝影:吳文聰
服裝:MARELLA、MAX & Co.、中藝CAC1959
----------------------------
東網巨星開咗ig喇，大家快啲follow啦！