新年照濕平 黃曉明Baby帶小海綿出巡

20180218
東網電視
更多新聞短片
新年合體!
內地男星黃曉明同老婆楊穎(Angelababy)一直都好保護囝囝小海綿,出世到依家都未公開展示過小海綿嘅樣,一歲人仔就已經成為網民最想見到嘅星二代之一,趁住今年新年,大家好有機會可以一睹小海綿正面啦!
事關熱愛濕平嘅曉明同Baby,去到曉明故鄉青島拜年,都要喺尋日初二就急不及待出動掃貨,二人仲畀網友見到佢哋帶埋小海綿出巡,影埋相放上網開心些牙添!喺相中見到Baby主力濕平,一身便服加拖鞋,似係為行街做足準備,不過見佢左睇右睇都係小朋友嘢,應該都係為小海綿衣櫃「加餸」,而曉明就負責睇實小海綿,抱到實一實,果然係住家好男人!唔知最後佢哋買咗幾多嘢返屋企呢?