汪明荃有幾個博士學位 鄭少秋:幾時到我

20180218
東網電視
更多新聞短片
鄭少秋大讚汪明荃,又要做節目又有公職在身,仲攞埋幾個博士學位!
藝人汪明荃(Liza)與鄭少秋(秋官)為香港賽馬會大年初三「農曆新年賽馬日」擔任表演嘉賓,而今年兩人首次合體表演,秋官表示必定會在盛事中沾一沾旺氣,問到會否投注玩兩手?他表示會與Liza夾份買,又指對方在初一時已抽中金犬,財運相當旺盛,又自嘲:「屬豬今年好運,但我豬兜咁耐!」問到有否橫財運?Liza表示每年新年也會玩骰仔、射龍門熱鬧一下:「我同秋官未試過一齊打麻雀,做戲都冇。」秋官笑言自己是站長,經常被人催,認真搞笑。
至於農曆新年會否出國旅遊,Liza指還有公職在身,未有時間,而秋官聞言即大讚對方:「佢要做咁多節目,都仲要做公職,仲攞埋幾個博士學位,佢每次攞,我都會諗幾時到我呢?(今年想攞?)唔敢,呢啲係人哋畀。」提到女兒鄭欣宜4月將開演唱會,秋官大讚欣宜叻女,屆時必定會到場支持。