地震完繼續按摩　田蕊妮以為有人查牌

台灣宜蘭縣昨晚10時多發生黎克特制5.3級有感地震，台北地區亦感受到猛烈搖晃。正與老公杜汶澤於台北旅遊的藝人田蕊妮，就於社交平台報平安，她留言：「人在台北按摩時地震！還以爲有人撞房門！第一次遇到地震！人沒事，不用擔心！」圈中不少老友也着她萬事小心。

阿田接受東網訪問時，回憶地震一刻也唔知驚，她謂：「按按吓摩突然好震，我真係以為有人撞門，心諗咩按摩都會有人查牌？我老公仲以為係按摩手法其中一種添。」面對阿澤的淡定表現，首次遇上地震的阿田根本不知是甚麼一回事，更謂：「老公之前喺日本拍戲，遇過嘅地震勁好多，就係因為我未遇過，所以又唔係好驚，震完一輪之後，個按摩師仲好淡然話『沒事，地震而已。』咁我哋咪繼續按摩囉！」更指現時台北一切正常，故二人也會照原定計劃四圍食及hea。