《韓薦》：賴冠霖裴珍映出戰《偶像運動會》

新一期《韓薦》又同大家見面！今集會為大家介紹韓星高庚杓同綜藝節目《Running Man》女星全昭旻合作嘅tvN新劇《Cross》，仲有曾經寫過神劇《太陽的後裔》同《鬼怪》嘅名編劇金恩淑新作《Mr.Sunshine》。男主角李炳憲將會同金泰璃上演一段淒美嘅愛情故事，仲有劉延錫同卞耀漢演出，陣容令人期待！

而電影方面，今集會為大家介紹男星李源根同裴宗玉、池允浩合演嘅新片《換節期》。至於綜藝節目方面，就會同大家推介MBC電視台嘅新年特輯，今次《偶像運動會》就新增保齡球項目，人氣超勁嘅男團Wanna One派出台灣成員賴冠霖同裴珍映出戰，隊友都有嚟打氣，咁精彩內容，千祈唔好錯過！