新劇做打機女神　張曦雯變身羅拉打喪屍

藝人張曦雯（Kelly）於將軍澳電視城出席新劇《金宵大廈》造型暨拜神儀式。她透露今次角色做回自己：「角色個名都係叫番自己嗰名，都係一個明星又鍾意打機。」

Kelly又謂會於劇中繼續做「打機女神」，又會與子善有感情線，她笑說：「我都未知去到乜嘢程度。我哋邂逅就係喺網上打機，跟住慢慢仲會墮入埋遊戲裏面嘅角色，會親身打喪屍。（要唔要性感？）我遊戲入面嗰角色造型好似《盜墓者羅拉》，但我都未知，應該都可以性感。」

此外，她透露同時會開另一套新劇《白色強人》，Kelly笑說：「公司見我做主持，做《3日2夜》都歎得耐，所以即刻同時拍兩套劇。（驚唔驚辛苦？）唔驚。係時候辛苦吓， 係時候捱吓，試吓呢個滋味。」