揸機失手！周董Chok玩魔術氹番昆凌
20180222
東網電視
更多新聞短片
又去拍拖喇！
台灣天王周杰倫（周董）不時帶住老婆昆淩周圍去旅行，呢日佢哋兩公婆就齊齊撇低一對仔女去咗法國一間藝術博物館睇畫展，之後昆淩更喺社交網晒出同名畫嘅合照，並留言：「Thank you for the makeup.（麻煩晒你幫我化妝。）」係咪唔知天王嫂講乜？正常嘅…因為唔細心留意都唔知阿嫂搞緊乜呀！大批網友都表示一頭霧水，搞到呢張相嘅攝影師周董終於忍唔住跳出嚟留言解釋：「完了，你們都不懂我的幽默我幫他拍這張像不像畫裡（裏）面的人在幫他化妝……」I see…周董嘅黑色幽默果然別樹一幟，唔少網友即使心裏得啖笑，但亦畀足面回覆話：「老周可以可以」、「你說甚麼就是甚麼」。
另外，昆淩又晒出周董喺畫前表演變魔術嘅短片，片中戴上口罩嘅周董初時表現到漫不經心，佢慢慢走到一幅名畫前，而畫中就有個細路拎住一張「階磚A」嘅，點知周董唔使2秒就突然變咗一張「階磚A」啤牌出嚟，之後再施施然Chok住離開，成個過程超流暢冇破綻，配合埋啲背景音樂簡直型爆！
雖然周董喺上個揸機回合度輸咗，不過佢喺今個回合絕對攞足分，難怪昆淩都畀佢氹得好開心，更喺社交網大讚：「wow！What other surprise can you make remember to give the card back to the kid！（嘩！你仲識製造其他驚喜，記得還番張卡畀個細路呀！）」
----------------------------
東網巨星開咗ig喇，大家快啲follow啦！