Aka接財神畀火屑「燒」玉腿

組合Super Girls隊長Aka（趙慧珊）趁新年回到澳門與家人過年，但就不小心搞到損手爛腳。事緣她昨日（21日）跟隨媽媽接財神，在碼頭燒寶的時候因爲太大風，有燒着的紙碎飄落她右腳腕，即時起了一條水泡！

「我已着長褲喇」

Aka接受東網訪問憶述：「我已着長褲喇，但係條褲吊腳，當時好大風，有啲寶唔小心飛咗出來，有一張着咗火飄咗落隻腳度，就起咗個水泡，爸爸話用古法幫我篤穿佢，其實我都唔知算唔算係古法，可能係現代都會用，就係燒紅咗支針，再消毒咗，就辣落去我啲表皮度，再撳晒啲膿出嚟。其實都幾痛，因為個傷口都多膿，撳晒啲膿出來之後層表皮未封得到入面啲肉，着鞋都會整到。」

因為傷口不可以碰水，Aka表示沖涼都好麻煩：「要坐喺個浴缸度吊起隻右腳，沖完腳板再沖小腿，盡量避開個傷口，因為我隻腳燒親嘅時候我隻手都淥親，如果唔小心畀熱水掂到就真係會好痛，有搽燙火膏，希望會快啲好。」

「燒炮仗寓意燒旺佢」

Aka說自己每年初二都會回到澳門燒煙花同炮仗：「燒炮仗寓意燒旺佢，煙花就係升上天空好高好光咁，都係好好嘅意頭，過年又會周圍去同親戚食飯同埋拜年。」雖然過年係好開心，但搞到整親都真係論盡喇！

----------------------------

東網巨星開咗ig喇，大家快啲follow啦！