【唔關小三事】梁嘉琪準備好投入新戀情

藝人梁嘉琪與電台監製金志堅（阿金）拍拖四年，早前爆出阿金有小三，小三更疑似懷上對方骨肉，未幾嘉琪就表示「已一個人上路」，宣布與對方已經分手。嘉琪今日於梨木樹一個商場出席賀年活動，透露初六起已密密工作，覺得相當感恩與充實，拍完廣告又有商演，新一年希望身體健康、每日開心。被問到現在心情如何？她說：「開心，我好簡單，有工作就開心。（想行桃花運？）隨緣啦！」

失戀的她被問心情回復未？她直言沒有甚麼大起伏，至於可有與阿金聯絡？她說：「其實我從來都冇乜點樣交代感情，今次都收到好多朋友關心，但係要講嘅嘢已講晒，私人嘢唔想公開講，呢個先係真實嘅自己！」

談到報道指阿金的小三懷上對方的骨肉，她說：「我唔知件事係唔係真，但係有報道之前，我哋已經分開咗，其他人嘅嘢唔答，唔去評論喇！」她又未肯透露何時與對方分手、分手原因等，至於是否因小三疑懷上阿金骨肉而分手？她說：「其實感情嘢，唔係一兩句可以講晒，而且我從來都好少講自己嘢。」至於有沒有人追求？她笑謂未有，但自己已準備投入下一段戀情。