兩個孫不在港　謝賢歎茶摸小朋友面珠

張栢芝帶咗兩仔囝囝Lucas同Quintus去新加坡旅行，冇得同孫仔玩的謝賢就約朋友到中環歎茶，同行仲有兩個小朋友，席上見謝賢同友人邊飲邊傾，期間還傾到手舞足蹈。大人傾偈，兩個小朋友就坐埋一邊自己玩，原本同友人傾得興起的謝賢，見到兩個跟孫仔差唔多歲數的小朋友，間中亦會撩他們玩，甚至伸手摸男孩面珠。

歎完茶，謝賢請客負責埋單，臨走前巧遇同場的陳淑芬夫婦，三人隨即拍照留念，謝賢跟陳淑芬打完招呼，之後會合友人齊齊離開。