集合音樂力量!《份子引力》High爆麥花臣

20180225
東網電視
更多新聞短片
今次佢哋真係唱爆麥花臣!
歌手鄧小巧、黎曉陽(Michael)、創作人馮穎琪及謝國維聯同Nowhere Boys、per se及黃靖假旺角麥花臣場館舉行「麥花臣節X《份子引力》音樂會」,台邊及場中間位置均設有企位,可讓歌迷近距離接觸。音樂會於8時32分開騷,除了小巧之外,其餘十一人都齊齊上台,先由Michael唱出《天行者》及《Mr. Weather Man》揭開序幕,而小巧就直到演唱歌曲《荒唐》時才上台,獻唱期間小巧走到到伸展台跟歌迷互動,炒熱現場氣氛。
唱畢《地心吸力》黎,馮穎琪跟歌迷打招呼,多謝各位歌迷前來支持,又謂與謝國維相識了16年,一齊玩音樂:「傻吓傻吓喺7年前開Studio、Production House,之後再諗去開一個細嘅音樂Label,我哋每一個人嘅緣分都好奇特,每一個加入、相遇都好突然。」說畢便由per se唱出《Fragments》。
去到演唱會中段,由小巧及馮穎琪唱出《和好》,二人突然感觸落淚,最後更擁抱起來,唱畢小巧笑指:「都話唔可望住馮穎琪唱㗎啦,喊到唔知講咩好,差啲唔記得要講嘢,不話估唔到會整喊埋佢,真係好感觸。」她又謂各人加入的原因或許不一,如果只靠自己就唔一定行得遠:「要多謝馮穎琪同謝國維,同埋我哋每個人嘅性格及音樂都唔同,多謝大家互相包容。」
Nowhere Boys唱出《天外飛仙》更跳入Fans群中落力獻唱,掀起全晚的高潮。唱畢眾人便拿出「貓紙」逐一多謝各單位的幫助,最後眾人唱出《我們的航海時代》及《雅俗》為音樂會畫上完美句號。