黃翠如出埠探訪 蕭正楠呻病咗冇人理
20180225
東網電視
更多新聞短片
黃翠如近日出埠探訪，蕭正楠呻自己病咗冇人照顧。
藝人蕭正楠（阿蕭）出席無綫新劇《翻生武林》宣傳，他透露近日忙於拍攝《十二傳說》，由於不時要到偏遠地方取景，因此劇集要延至4月才能完成。
談到女友黃翠如近日外遊，阿蕭即投訴自己生病冇人理：「佢依家去咗孟加拉探訪，其實成個新年都冇乜見，亦未同佢父母拜年，翠如去山區照顧小朋友，不如留喺香港，都有個有需要嘅兒童要佢照顧，有個人斟水遞藥都好嘛，我仲要爬去廚房煮嘢食畀自己。」
談到有份參與的節目《公公出埠》添食，拍檔曹永廉獻計叫他上船造人，阿蕭笑言：「叫佢顧掂自己先啦！佢呢排「生蛇」，之前我「生蛇」時佢笑我，呢排我笑番佢，早幾日佢影咗張肉照畀我睇，原來佢個肚臍「生蛇」、仲圍咗成個圈！（會唔會過廠探佢？）會傳染喎，等佢好番先，佢開緊《包青天再起風雲》，都要一路食住藥一路拍啦，起碼10日先好。」
----------------------------
東網巨星開咗ig喇，大家快啲follow啦！