胡蓓蔚推波助瀾 黃智雯晒3吋事業線
藝人姚子羚、黃智雯及胡蓓蔚（豹嫂）下午到油塘出席賀年活動，三人悉心打扮現身，黃智雯身穿鮮紅低胸裙，3吋事業線出晒嚟、成功搶鏡！子羚笑言：「三個女人一個露！」豹嫂即接口：「係三個女人一個凸呀！」
姊妹幫拖揀衫
智雯的這身性感打扮，原來是豹嫂在背後推波助瀾，智雯說：「我好信我好姊妹嘅眼光，網購會問佢哋意見。」豹嫂笑說：「智雯Carry到，係健康性感啫，以前子羚有料，而家係智雯，佢套劇《三個女人一個因》出街，梗係要賀一賀佢。」
望姊妹快啲做人妻
豹嫂自爆與「胡說八道」好姊妹出遊時，自己經常充當攝影師，所以有不少好姊妹的性感珍藏照：「我幫李施嬅影過性感比堅尼，感覺好純真，但我想發社交網時畀佢阻止，佢話太性感，我即刻傳張子羚嘅靚相畀佢、然後留言話：『呢啲先係超性感！』」豹嫂揚言會陸續儲起好姊妹的性感照，不排除日後推出攝影集的可能。而在台上問到狗年願望時，豹嫂則說：「我希望我啲好姊妹個個快啲做人妻！」
爆遊日瘀事
另外，子羚日前與龔嘉欣出走沖繩、作三日兩夜的短遊。返港後的子羚心情愉快，並自爆瘀事：「三日内畀當地交通警截停兩次，我哋唔識日本啲道路規條，轉彎時打錯燈。雖然冇罰錢，但每次要停車用身體語言溝通一輪。」她又大爆過年團拜時，胡定欣做魚腩，開賭局更輸了三千元呢！
----------------------------
東網巨星開咗ig喇，大家快啲follow啦！