驚！阿嬌晒刮痧慘況：整塊皮好像給撕掉

藝人鍾欣潼（阿嬌）早前就宣布答應有「醫界王陽明」之稱的台灣婦科醫生男友賴弘國求婚。不過佢同未婚夫成日相隔兩地，加上工作忙，阿嬌嘅身體似乎已經攰到極點喇。呢日阿嬌就喺社交網晒裸背，相中阿嬌嘅玉背全部都係瘀血，好似被人虐打完咁，又好似被人搣咗層皮咁，真係好得人驚呀！不過，阿嬌其實係畀大家睇佢刮痧後嘅慘況，連佢都忍唔住留言嗌誇張：「請問這是人的背嗎 太誇張了 整塊皮好像給撕掉了一樣。」阿嬌仲Hashtag話痛到爆炸添呀，真係睇到都驚驚呀！一班網友睇見呢個慘不忍睹嘅模樣都大感驚訝同心痛，留言叫佢保重身體同好好休息，仲提醒佢唔好去到咁盡，唔係好容易整傷筋骨㗎！

----------------------------

東網巨星開咗ig喇，大家快啲follow啦！