范冰冰日本街頭激吻新仔　網友戥李晨擔心

內地女星范冰冰近排真係夠晒話題，除咗細佬范丞丞參加內地真人騷《偶像練習生》，變相幫家姐宣傳之外，冰冰竟然被網友影到佢背住男友李晨喺日本街頭激吻新仔，隨即被網上瘋傳，李晨仲畀網友勁Tag，嗌佢睇實個未來老婆添！

微博近日流傳一輯偷拍相，當中見到范冰冰同一名高瘦男子企喺日本馬路緊緊相擁，跟住仲忽然忘我熱吻，表情冧爆，搞到網友掀起熱論，以為冰冰背李晨偷食，但原來呢啲偷拍只係佢有份主演嘅新片花絮相，男主角係細佢4歲嘅男星黃軒，旁邊仲有晒攝影機拍攝，不過都有網友笑言李晨已經拎埋刀飛日本搵佢哋喇。

另外又有指冰冰為趕拍新片，從初五就開始返工，一開拍就捱夜，直到第二日朝早6點先休息，攰到一返酒店就即刻瞓着，非常敬業。