珍妮花踩丹尼爾新片　睇唔到三分鐘即閃

奧斯卡金像影后珍妮花羅倫絲（Jennifer Lawrence）一向出名「噏得就噏」完全唔理後果，最近她接受訪問時又「嚟料」自爆頂唔順金像影帝丹尼爾迪路易斯（Daniel Day-Lewis）銀幕告別作《霓裳魅影》（Phantom Thread）！

她毫不客氣地說：「我只睇咗三分鐘，我的天啊，我真係唔得。我對任何鍾意嗰套戲嘅人講對唔住。我真係唔可以畀到呢啲時間。」主持嘗試游說珍妮花睇晒全片，珍妮花就回答：「OK，我會試下。我意思係（套戲）只係關於服裝？佢（丹尼爾角色）類似係自戀嘅反社會人士，而佢亦係藝術家，所以所有女人都愛上佢因為佢令佢哋對自己感覺過意唔去，而呢啲就係愛情故事？我都經歷過咁嘅情況，我知感覺係點，我唔需要去睇呢套戲。」不過珍妮花立即「兜番」話自己唔係講緊前男友導演Darren Aronofsky。