晒妻女合照！周杰倫化身龍友自讚技術好
20180228
東網電視
更多新聞短片
今次影得OK喎！
台灣天王周杰倫（周董）最近帶咗屋企人去法國歎世界，連日嚟都有喺社交網晒相同網友分享家庭樂。早前佢就幫愛妻昆凌影咗一張喺名畫前嘅相，不過唔少網友都話捕捉唔到張相嘅神粹…
不過，出名有豐富藝術細胞嘅周董就梗係唔會咁易放棄，呢日佢又喺IG晒出一張昆凌同囡囡「小周周」喺法國某宮殿內嘅合照，仲留言自讚：「一個好的攝影師。」似乎對自己嘅攝影技術好滿意喎！相中昆凌同小周周都潮襯黑色打扮，仲齊齊插袋，一個望向鏡頭而另一個就低頭望地，簡直型震！
雖然相中小周周一如概往都係唔見樣，不過唔少網友都留意到佢高咗好多，真係愈大個女就愈有媽咪嘅影子！而心情大靚嘅周董除咗大晒妻女嘅合照之外，喺法國遊玩嘅同時亦心繫打籃球，佢回覆球星老友林書豪嘅留言時就「挑釁」謂：「我要開始專注打籃球了，你小心了！」
----------------------------
東網巨星開咗ig喇，大家快啲follow啦！