姜皓文堅持行演藝路　搵老婆做出氣袋

藝人姜皓文（黑仔）和導演馮志強到電台受訪，表示去了多間大學與電影系學生分享新片的拍攝情況，以及黑仔的演戲心得。黑仔說：「呢行係偏門行業，拿捏得唔好就好易放棄或者畀人潑冷水，我唔想一班電影初學者有個唔好嘅開始。」黑仔指學生們看見他都很開心，很喜歡自己之前與張家輝拍的電影：「佢哋連對白都記晒！我同佢哋講我入行前嘅嘢，我有段時間贏咗好多嘢，但畀掌聲沖昏頭腦，做咗唔正規嘅嘢就以為得咗，其實好易失敗。」

黑仔坦言曾有人睇自己唔順眼，一定要堅持與堅強去令自己進步：「呢行搵食幾難，可以放低一陣，但唔可以放棄。（太太支持都好重要？）絕對係！佢支持到不得了，叫我唔好諗住開飯，搞掂我啲嘢就冇問題。」他形容太太是受氣袋，自己之前常發對方脾氣：「我好橫蠻無理，佢依家好叻㗎，唔答我，等我講到冇癮，佢唔反駁我就冇得鬧！佢處理得好好，我靜番就會認低威氹番佢。」

提到在新片飾演經常撞板的大哥，黑仔指其角色時常累及兄弟白只：「但佢仲好信我，當正我偶像。（對票房有冇信心？）有！優先場成績好好，之後會去謝票。我最鍾意謝票，可以睇到觀眾即時反應。（試過偷偷入戲院睇？）係呀，睇啲觀眾點樣忍喊，喺隔籬叫佢哋喊出嚟啦，嚇佢哋一跳！」

至於馮志強怎樣評價黑仔在新片的表現？馮志強大讚：「極出色！極大驚喜！佢個角色講完就當係，現實中好多呢啲人！（點解覺得黑仔啱呢個角色？）想搵個外型同閱歷都可以食住男主角嘅人，佢哋有好多相反意見，碰撞起嚟好得意，佢哋同白只呢個組合好新鮮。（再開套戲畀佢哋？）可以，佢哋去旅行、上太空或者尋寶都好過癮、好大鑊，繼許氏三兄弟之後另一個新組合！」

----------------------------

東網巨星開咗ig喇，大家快啲follow啦！

https://goo.gl/KGuo2N