星洲送秋波　蔡思貝心口開窿贏眾花旦

藝人蔡思貝、田蕊妮、岑麗香同楊秀惠日前一齊飛到新加坡工作，今日蔡思貝仲喺社交網上載四人合照，見到四位靚女都盛裝上陣，但就以蔡思貝衣着最性感，心口開窿嘅佢露出波邊，營造出漏奶效果，睇到網民嘩嘩聲！而田蕊妮就着上露肩裝，露出白滑肌膚，但論性感程度當然輸畀蔡思貝！

蔡思貝之後亦有喺限時動感上載四人扮貓貓嘅合照，最驚喜係陳展鵬都有在場，仲同幾位靚女一齊扮貓，真係好鬼cute！楊秀惠亦有上載合照，仲留言話：「Hi Singapore 」睇嚟佢哋幾個此行都寓工作於娛樂，玩得非常開心！