直播慶功！子華叫唱歌　阿佘清唱找數

藝人黃子華主演的電影賀歲片《棟篤特工》上映至今天中午票房超越4,000萬，他今晚與佘詩曼、蘇麗珊、林雪、鄧兆尊、C君、老闆蕭定一等出現身慶功宴。而於傍晚時份，子華率一眾演員，於社交平台直播謝票。由於做慣棟篤騷的子華，其粉絲愛以「除褲」﹑「回水」為口號作打氣，但今次謝票，子華卻沒有「除褲」，只叫阿佘「唱歌」就當找數！講到其中電影中的一首歌《就算死也不會留下你》令人笑到肚痛，子華就即場叫C君與佘詩曼一起唱，原以為是播音樂唱，不過C君與佘詩曼就清唱幾句找數！

眾人於直播期間分享拍攝趣事，老闆蕭定一表示：「電影票房直至今日中午已超過4,000萬，係純港幣，對成績相當滿意，十日後就知內地上映日期。（開續集？）等子華做棟篤騷個期就度啦！」眾人齊齊飲香檳慶祝時，子華重提林雪拍攝時暈倒一事，他說：「你盡量唔好郁，上次你郁一郁就入咗醫院。」

而有「票房毒藥」之稱的子華又指大家合作時都不看好票房，他問C君初時會否擔心票房時，C君笑說：「我未試過，我原本都諗住會有4000（萬），我冇諗呢啲嘢，子華搵我拍戲，我唔收片酬都拍啦！拍嗰時唔識享受，每日都好緊張。」而佘詩曼則感謝每位買票入場的觀眾。

鄧兆尊表示於戲中飾演變性人一角，最後接演是受到家庭壓力，他表示：「我都有猶疑拍唔拍，但身邊人（女友）表示子華嘅嘢一定要拍，所以我應承拍。」此外，子華揚言如果票房達5,000萬會以一個不同形式慶功，他笑說：「會係一個唔同嘅慶功，世上冇人做過。會講我拍攝時有幾唔開心同唔鍾意邊個。」

----------------------------

東網巨星開咗ig喇，大家快啲follow啦！

https://goo.gl/KGuo2N