定欣將性感演出　馬浚偉忙寫劇本不忘追夢

藝人馬浚偉於荃灣出席健肺活動，一向患有哮喘的他表示，最近在北京工作時就發作，因當地天氣差，他說：「09年嗰陣時，拍《蒲松齡》最差，日日扯蝦咁濟，（天氣唔穩定？）係呀，所以一定有藥喺身，而且我有手提空氣機，可以釋放負離子，帶住佢真係有幫助！」又指運動有助改善哮喘，不過作息時間是最重要！至於可會停止拍劇？他說：「咁又唔可以，畀多啲時間自己休息囉，食嘢小心啲同埋戒凍飲！」

談到接下來的工作？他表示6月將會與胡定欣演出去年上演過的舞台劇，定欣更要為此學習崑曲及跳華爾茲，他表示知道對方有跳開中國舞蹈，更預告定欣會性感登場，並指今次陣容比上一次龐大，有姜大偉及馮素波加入。

考北大EMBA

他亦表示正忙於寫劇本及繼續向成為咖啡師去夢想進發，笑指除了學拉花之餘，更要研究咖啡豆。談到進修，他表示早前在北京大學面試：「想讀一個EMBA碩士課程。（吳奇隆讀嗰個？）係呀，就係佢推薦我，已經面試完，一個禮拜之後放榜！」