巴黎浪漫約會！李晨人肉速遞慰范冰冰
20180308
東網電視
更多新聞短片
見少陣都唔得。
內地女神范冰冰近日喺巴黎出席時裝周，而佢嘅另一半李晨咁啱亦喺維也納錄製內地綜藝節目《奔跑吧》第六季。雖然兩人各自要喺歐洲工作，不過有心見面嘅話總有機會，呢日李晨錄完節目之後，話咁快就極速飛咗去巴黎陪冰冰，果然係「最佳未婚夫」！
近日，有網友就晒出一條短片，話喺巴黎某甜品店野生捕獲兩人，片中見打扮時尚嘅范冰冰率先步出門外，佢低頭不語霸氣十足。之後就到李晨現身，同冰冰相反，李晨唔單止冇迴避鏡頭，仲大方伸手同粉絲打招呼，Nice到爆！
唔少網友紛紛留言：「兩人愛得好甜蜜」、「很羨慕」、「快點結婚吧！」
----------------------------
東網巨星開咗ig喇，大家快啲follow啦！