任達華講瑜伽認叻　王馨平超越琦琦做導師

藝人任達華、王馨平（Linda）、鄧梓峰與名媛趙式芝在粉嶺香港高爾夫球會出席慈善活動。任達華被問到會否帶女兒一起去做義工？ 他說：「我做親慈善活動就會影相畀佢睇，以前都有同佢去內地探訪。」王馨平就指身為藝人有機會就要盡力支持慈善，希望能推動大家多多參與和支持。

「你都做咗導師，琦琦仲學緊」

任達華笑言有意向身為瑜伽導師的Linda學習瑜伽，Linda說：「唔好話教人，我只係想將學咗咁多年嘅嘢同大家去分享，其實我同佢老婆琦琦係同學。」任達華笑說：「你都做咗導師，琦琦仲學緊。講起瑜伽我就真係叻㗎，其實我喺三、四十年前已經學，依家就自己喺屋企做。（會唔會同老婆做情侶瑜伽？）OK㗎，我柔軟度好好。」

王馨平爆老公嫌自己太硬

問王馨平有沒有與老公玩雙人瑜伽？她笑講：「佢唔聽我指，佢覺得自己太硬，所以就唔想去做，我就覺得就係因為太過硬，所以先要去做，我哋成日都討論依樣野嘢！」任達華則笑說：「你應該同佢講，硬漢都要有柔情嘅一面。」