演三重性格似考牌！黃智雯爆喊兼精神分裂
20180309
東網電視
更多新聞短片
黃智雯最近喺新劇就要演一個三重性格嘅角色。
藝人黃智雯（Mandy）在新劇飾演三重性格角色，對入行10年的她可謂考牌作，雖然過足戲癮，但壓力卻大得令她爆喊，Mandy笑說：「我拍到精神分裂。」
入行10年的黃智雯在無綫劇集《三個女人一個「因」》中飾演三重性格角色，事前她花了長時間做資料搜集，研究有多重人格障礙的病例，Mandy說：「今次要付出三倍努力，加上休息時間少，第一個星期覺得自己拿捏得唔夠好，一時之間壓力大到忍唔住爆喊。反而旁觀者清，黃智賢、監製都叫我放心去演，監製話我嘅努力冇白費，第二個星期開始就上軌道。」
角色少少似自己
Mandy覺得三個性格中最難演的是律師角色，要承受抑壓着自己有三重性格，相當考演技。當發洩情感時就會變成狂野唔戴Bra的暴力狂；另一個角色則是極度悲觀不時爆喊的「阿愁」，她說：「今次考牌作係勁好玩，係拍過咁多劇最難嘅角色，最難係好短時間內三個角色不停轉換，佢哋都話我拍到精神分裂，自己都覺得係，有混淆感覺，自己都可能有少少人格分裂！三個角色都有少少似我，我跳舞都幾狂野，亦有時會匿埋諗負面嘢，當然角色極端放大好多。」
暴力狂發癲除人衫
劇中Mandy與郭子豪有不少床戲，又不時狂打黃智賢，不愛戴Bra的暴力狂角色更有特別的除Bra方法，她笑說：「道具Bra永遠都係畀我大幾Cup，可能嫌我本身太細啦。」每次她在床上與郭子豪親熱，一見對方的Body都會發晒癲般除去郭子豪的衫，爆發狂野一面：「床戲唔係色情，只係搞笑，拍嗰陣會諗自己跳舞，聽住音樂放鬆去拍，其實郭子豪仲露得多過我！」
----------------------------
東網巨星開咗ig喇，大家快啲follow啦！