「天行者」麥咸美打星星老拍檔撐場

憑《星球大戰》（Star Wars）經典角色「天行者」（Luke Skywalker）一角而走紅的66歲美國男星麥咸美（Mark Hamill），美國時間昨日早上在荷里活星光大道打星星。而今次更選擇在當年《星球大戰》舉行首映禮的El Capitan劇院外打星星，特別有意義！

而與麥合作的「星戰之父」著名導演佐治魯卡斯（George Lucas）、《星戰》老拍檔夏里遜福（Harrison Ford）、「莉亞公主」嘉莉菲莎（Carrie Fisher）女兒Billie Lourd及在《星球大戰：最後絕地武士》（Star Wars：The Last Jedi）中搶晒鏡的越南女新星Kelly Marie Tran亦有撐場，就連白兵及R2-D2都有現身支持，而與麥結婚接近40年的妻子Marilou York亦在場。對於一班「老友記」撐場，麥好感謝受訪時好感動：「我對佐治同夏里遜嚟而好震驚，因為其實佢哋唔需要咁做...而佢哋嚟對我嚟講意義重大。」

日前麥在社交網留言指自己從未想過可以「留星」：「唔能夠講呢個（打星星）係夢想成真，因為我從來唔愚蠢到諗呢件事（打星星）會發生。」而「漢蘇奴」夏里遜福在活動上除了向麥致敬外亦提及已故的另一老拍檔嘉莉菲莎。他說：「當我諗起今日，我就非常遺憾我哋冇咗我哋三人組另一個成員（嘉莉）同我哋一同慶祝，但我覺得到佢嘅存在。我哋好掛住你，太空媽媽。」

日前麥為名嘴Jimmy Kimmel清談節目拍搞笑短片，在片段中麥化身成地盤佬用電鑽鑽爛Jimmy在星光大道的星星，笑言要「讓路」給他「打星星」。之後Jimmy話：「你知嘛，特朗普（Donald Trump）有粒星喺對街。」聽罷麥咸美即離開現場。