Sweet!昆凌錄節目 周杰倫煙韌傍到實

20180309
東網電視
更多新聞短片
真係要頒個至Sweet大獎畀佢哋。

台灣天王周杰倫(周董)最近孖老婆昆凌去咗法國巴黎睇時裝周,昆凌玩跌膊勁吸睛,周董都好識做狂嗌正,不過身為「寵妻狂魔」嘅周董又點止得咁表面,原來佢仲跟實昆凌「轉戰」維也納,傍住老婆錄內地節目《奔跑吧》,真係錫老婆錫到出面!

《奔》開始咗拍攝,衝出國際去到奧地利,又被當地報紙大篇幅報道此事,而佢哋第一集嘉賓就有昆凌喇。被網友影到背後貼有名牌嘅昆凌,孖住內地藝人鄭愷現身維也納,老公周董就化身「隱形嘉賓」,雖然冇份拍,但佢喺鏡頭外全程?實愛妻,甘心做佢「背後的男人」,Sweet到咁真係羨煞粉絲!

而周董早前同昆凌喺時裝周現身時,被網友影到當昆凌同身邊嘅蕭敬騰傾偈,周董就黐住坐旁邊,講到一半時周董原本諗住拖老婆手仔,點知昆凌冇注意,唔覺意「無視」咗老公,周董自己就尷尷尬尬又放番隻手插褲袋,又摸腳,扮晒冇事發生咁。最搞笑係段片被網友瘋傳,仲上埋微博熱搜添,今次真係被「斷正」喇。


----------------------------
東網巨星開咗ig喇,大家快啲follow啦!
https://goo.gl/KGuo2N