影響一生！陳柏宇想同老婆紋愛的紋身
20180309
東網電視
更多新聞短片
陳柏宇話佢諗過同老婆紋愛的紋身。
歌手陳柏宇（Jason）與紋身大師Dr. Woo到銅鑼灣出席時裝品牌活動，Jason坦言有興趣請對方為自己紋身：「我對自己紋乜嘢、着乜嘢、唱乜嘢未必好多Idea，但鍾意人哋有Idea擺喺我身上面試。」他表示暫時只有兩個紋身，沒決定要紋多少個：「紋身要喺好想嘅時候去做，如果攤咗陣就唔想㗎啦，好似跳傘咁。」
問到可想與太太符曉薇（Leanne）紋愛的紋身？Jason坦言有想過，但想不到紋甚麼，又指DJ朱薰及老公的紋身很漂亮和有意義：「我想用抽象啲嘅Symbol，唔係太想用Initial。老婆成日話想紋條線，咁我幫佢紋都得啦。」他建議太太不要紋身，覺得兩人之間只得一人有就夠：「佢本身冇嘛，唔通30幾歲先紋身？（你年齡歧視？）唔係，Oscar（蕭潤邦）早排都紋咗。」他解釋如果他與太太都有紋身，日後子女會受影響而想有，他希望子女留有自行選擇的空間，又希望子女夠16歲才紋，但他直言沒想過做紋身師：「攞住支針嘅感覺好恐怖，紋得唔好就一世啦，我唔介意人哋影響我一世，但我唔想影響人一世。」
工作方面，Jason表示正籌備5月初在澳門舉行的個唱，並為上次演唱會的DVD宣傳。至於將與江若琳（Elanne）結婚的Oscar可有請教搞婚禮的意見？Jason表示沒有，笑言除非兩人意見不合才要找第三者的意見，認為Oscar成熟又會遷就人，相信二人一定能好好溝通。
----------------------------
東網巨星開咗ig喇，大家快啲follow啦！