底已起！疑似林峯新女原來係內衣Model
20180312
東網電視
更多新聞短片
呢個就疑似係林峯嘅新歡，同吳卓羲舊愛仲要撞撞哋喎個名！
藝人林峯自從北上搵真銀之後同吳千語面都見少咗，由不時傳婚訊變到傳分手，真係陰功豬！而較早之前林峯就被捕獲一家出動去主題樂園家庭樂，但陪喺林峯身邊嘅就唔係吳千語，而係一名長腿索女。有指係林峯嘅父母安排相睇，等阿仔有多個選擇喎。
今日就有網民已經好快手將呢位長腿索女起底，原來呢位索女個名叫張馨月，喺佢社交網嘅簡介就寫住話自己係個平面、影視廣告模特兒，仲拎過2010年全國時尚內衣模特兒大賽嘅亞軍，都算係圈中人呀！睇番佢嘅社交網不時見到佢會甫一啲自己嘅生活照，都係同朋友食吓好西同參加模特兒騷嘅相，但久唔久都會有啲露吓腿甚至係性感泳衣嘅相益吓粉絲，身材同靚樣一啲都唔輸蝕。睇番佢最近嘅Update就透露自己嚟咗香港玩，時間同地點都相當吻合！唔通林峯真係情投呢個內衣Model放棄吳千語？！
唔知大家有冇印象，林峯嘅好兄弟吳卓羲曾經同過大陸藝人張馨予拍過拖，可惜都未能開花結果，但張馨予同張馨月同樣係有樣有身材之人，有網民就話佢哋兩兄弟口味都幾似，連個名都要咁似先滿足！
----------------------------
東網巨星開咗ig喇，大家快啲follow啦！