預告有嘢露！鄧麗欣金像獎爭后：未識緊張

出爐電影評論學會影后鄧麗欣（Stephy）出席香港電影工作者總會春茗，以一襲藍色透視裙上陣，吸睛度十足。被問為何如此性感？Stephy表示今日才見到晚裝的真身，更是一見鍾情：「我都大個女啦！（下個月金像獎更加性感？）今日都有同Stylist傾過，應該會以靚為主，有啲晚裝係性感，乜都露啲咁囉！其實最緊要啱場合同大方得體。」對於有機問鼎金像獎影后，Stephy坦言現時還未識緊張。

倉田保昭第一次食壽包

談到早前於評論學會封后，之後便拉大隊舉行小型慶功，順道為亦有份演出的倉田保昭補祝生日，Stephy謂：「都唔算係慶功，係同倉田保昭補祝生日就真，佢好玩得，我哋仲準備咗壽包畀佢，原來佢係第一次食，食到好開心添，倉田保昭仲同我講，我攞獎開心過佢自己攞，令我好感動，好有爸爸嘅感覺。」

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： https://goo.gl/BZrkpG