酒店枕頭似A4紙咁簿！曹永廉嗌唔慣

藝人曹永廉（阿廉）剛剛到達橫店，為無綫劇集《包青天再起風雲》拍攝外景，今次一去便要拍65天，之後大隊還要到新疆拍攝，阿廉日前執行李時，獲老友蕭正楠前往幫手，其實呢啲咁貼心嘅嘢，應該係「廉嫂」做先啱！不過呢對男人實在太癡纏，相信「廉嫂」姜依蘭都好大方，唔會同蕭正楠爭。而阿廉接受東網訪問時，坦言正為買物資走遍超巿，除了糧食外，更要買枕頭，他笑言：「酒店啲枕頭A4紙咁簿，真係唔係幾慣！」哈哈！有冇咁誇張呀！