《韓薦》：Joy拍禹棹煥發展危險愛情

又嚟到新一集《韓薦》啦，女團Red Velvet成員Joy同人氣男星禹棹煥主演嘅《偉大的誘惑者》已經喺噚日首播啦，今次Joy會飾演讀書叻但對愛情冇興趣嘅女學生，但就同成日闖禍嘅有錢仔禹棹煥愈行愈埋，發展危險嘅愛情呀。

而今集亦會同大家介紹由金剛宇同金喜愛主演嘅驚悚電影《消失的夜晚》，金剛宇因為怨恨一直操控自己嘅老婆金喜愛而恨下毒手，點知金喜愛條屍就喺夜晚離奇消失呀，鍾意睇恐怖片嘅你一定唔可以錯過啦。另外，仲會同大家睇吓希澈喺《1%的友情》裏面大爆秘密、MAMAMOO嘅新歌同埋新人男團Stray Kids，咁精彩你又點可以錯過呢？