超能媽媽!千嬅氹仔仔晒畫功 網民激讚

20180314
東網電視
更多新聞短片
千嬅呢個媽媽唱得又畫得,真係犀利!
歌手楊千嬅早前落實相隔17年再為無綫拍劇,雖然工作忙碌,但呢個媽媽絕對冇唔記得5歲仔仔丁進諾(Torres),唔只一定會抽時間享天倫,仲會製造驚喜送畀仔仔添!
千嬅喺Instagram上載咗張相,佢留言:「很想畫些東西給Torres .明早返學前給他一點surprise? #sillymom」相中有幾幅畫咗卡通人物嘅畫,包括白雪公主、米奇老鼠、美人魚,仲有相對比較冷門嘅幸運兔奧斯華(Oswald)等等,網民都話:「識Oswald唔難,但連女仔Ortensia都識畫先厲害」真係少啲知識都唔會畫到呢隻公仔!千嬅仲用咗唔同顏色筆畫,唔只有心思,畫功仲要好掂!原來千嬅係瞓唔着所以畫吓畫,不過咁識善用時間又氹到Torres開心,果然係超能媽媽!
網民都激讚千嬅係名副其實嘅好媽媽,仲話睇唔出佢識畫畫添!網民留言「人又靚唱歌又好聽 畫畫都唔錯 真係wonder mom 嚟㗎」,就連薛凱琪都忍唔住話:「That’s is soooooooooo sweet of you. Super mom. Love u(你真係好Sweet,超級媽媽,愛你)」