祖兒冇否認同劉浩龍分手：太多事處理唔到
20180314
東網電視
更多新聞短片
祖兒冇否認分訊。
37歲的樂壇天后容祖兒與相戀五年的男友劉浩龍分手，甩拖後的祖兒今晚首次見傳媒。穿上白色低胸裙的她全程面帶笑容，問到心情是否好好？她說：「幾好，唔錯。（係咪放低咗？）你哋講嘅嘢我唔回應。（傳聞中分咗手？）我唔回應好啲，唔想講咁多，唔想之後有更多新聞，平時私人愛情生活唔習慣拎出嚟同大家講，通常留畀自己處理。（單身定交往中？）我依家個Status係努力工作中。（多咗時間工作？）係要多啲時間工作。（但之後都會掛着舊愛女友身份？）呢刻都係唔多講，以我經驗，講同唔講大家都會繼續寫，我唔講好啲，多謝大家關心。」
問是否未有定案？祖兒直言沒有特別補充與交代，稍後會出兩張唱片，要飛到台灣、內地等地，又指師兄要做演唱會：「大家互相努力，關心大家，支持大家係重要。（係咪想放多啲時間照顧媽媽？）唔回應喇。」
「從來冇人對我有目的」
講到老闆楊受成曾經講過，希望愛錫Joey的人沒有其他目的，祖兒說：「從來冇人對我有目的，大家都係愛錫我。」問到是否自年初之後冇見面？她搖頭說：「唔係，太誇張啦。」
有網民指今次分訊是為劉浩龍的演唱會宣傳？她說：「你哋覺得咁樣係得㗎咩？大家都係現代人，呢啲唔係拎出嚟講，總之係互相支持嘅狀態。（拍拖時受好大壓力？）唔回應咁多。」祖兒出席完活動後，即換衣服，在助手的護送下，登車前往英皇駿景酒店。
----------------------------
東網巨星開咗ig喇，大家快啲follow啦！