范振鋒拒夫妻檔演出：唔想畀李思欣教戲
20180314
東網電視
更多新聞短片
范振鋒坦言好難與李思欣一齊演戲，因為唔想畀老婆教戲。
藝人范振鋒與太太李思欣拍拖到出席電影《唐人街探案2》優先場。李思欣現在是天泰娛樂文化的董事總經理，專責為新片發行，她笑說：「呢個名銜好大壓力，電影對自己嚟講係一個好新嘅範疇，老公經驗比我更加豐富。（公司有咩發展大計？）公司之前投資過一啲電影、演唱會，今年會自己開兩部戲。」
問可會夫妻檔演出？范振鋒耍手擰頭笑說：「唔好喇，好怪咁，自己做戲又唔係好叻，之前都有人搵過我哋，不過我都推咗。（係咪驚有拗撬？）唔係，自己又唔係演開戲，佢又係學院派，我唔想吓吓畀佢教，大家都係分開吓好啲，咁佢啲電影我幫佢做司儀囉。（收唔收酬勞？）要收，不過收平啲囉。」
----------------------------
東網巨星開咗ig喇，大家快啲follow啦！