【秘】黎明一早睇中「新歡」阿Wing
20180315
東網電視
更多新聞短片
真係好爆！（資料圖片）
51歲天王黎明（Leon）與名模樂基兒於2012年宣布離婚收場，去年樂基兒再婚下嫁從事有機食物生意嘅男友Ian，而黎明卻一直單身感情未有着落。最近傳出原來黎明身邊已有新歡，更有指對象係32歲唱片公司失婚女助手阿Wing。據知阿Wing經常因工在早上或深夜到黎明寓所開會，而佢更被指已懷孕六個月！有指阿Wing得寵後，就唔使成日喺唱片公司返工，同事都唔係日日可以見到佢。據悉唱片公司同事得知阿Wing傳有喜後都大感詫異，仲話估唔到佢同老闆發展快過光速！
網友議論紛紛阿Wing身份
阿Wing的身份惹來網友議論紛紛，據知阿Wing最初在黎明一手成立的百仕活經理人公司做office girl，之後她就負責照顧公司旗下藝人李治廷、JW，當時她還跟李治廷傳出緋聞，甚至有傳她為李治廷而離婚。
個性主動、開朗的阿Wing對接待客人非常細心，深得老闆黎明欣賞，所以當她離開百仕活後，未幾黎明就力邀她重返公司旗下的唱片公司Amusic工作，不過黎明對她寵幸，她不需要日日返公司，如果有需要她會直至到黎明位於上水的豪宅開工作會議，阿Wing的身份非常特殊，在公司行政架構上，雖然阿Wing對上有幾位不同部門的上司，但她不需要向上司報告工作情況，而是直接向黎明報告，所以一度引起公司同事議論紛紛。
3月19日見記者
東網聯絡黎明及其女助手，惟兩人一直未有回覆。據知，黎明將於下星期一（3月19日）出席電影博覽活動時才回應。
傳聞爆出後，黎明位於上水雙魚河的寓所外已有不少傳媒守候，亦停泊了不少車輛。而寓所的警衞亦顯得非常緊張，不時巡視。
----------------------------
東網巨星開咗ig喇，大家快啲follow啦！