《復仇者3》新預告大晒冷 預售門票破紀錄
20180317
東網電視
更多新聞短片
《復仇者3》新預告片曝光，眾超英晒冷！
萬眾期待的漫威超級英雄晒冷大作《復仇者聯盟3：無限之戰》（Avengers: Infinity War）將於下月26日有得睇，而首張海報及新預告片已曝光！
一如之前首條預告片，新預告片都是以眾超英晒冷為主，每個角色都出一兩個鏡頭，其中最有睇頭就係終極奸角魁隆（Thanos）與留晒鬚的「阿Cap」美國隊長隻揪的一場，美國隊長咬牙切齒用一人之力擋住魁隆的巨型手掌，最終究竟鹿死誰手？！漫威fans睇完條預告之後紛紛在網上留言，有fans留言：「我已準備好賣我個腎嚟換取開畫夜嘅飛呀！！！」不過亦有fans批評漫威點解在兩條預告中都唔見鷹眼、蟻俠及黃蜂女出現？
而隨着新預告曝光後，電影公司亦於昨日早上開始預售《復》的門票。結果開售僅僅6小時已打破晒所有超英電影包括原本紀錄保持者DC的《蝙蝠俠對超人：正義曙光》（Batman v Superman: Dawn of Justice）的預售紀錄！當年《蝙》北美開畫三日票房總數高達12.94億港元。
----------------------------
東網巨星開咗ig喇，大家快啲follow啦！