亞洲電影大獎：JM爆黎明新歡好照顧李治廷
20180317
東網電視
更多新聞短片
文詠珊亦識黎明嘅新歡阿Wing，仲透露阿Wing以前好照顧同公司嘅藝人李治廷（圓圖）。
藝人文詠珊（Janice Man，JM）出席「第十二屆亞洲電影大獎」紅地氈，她與導演郭子健等人擔任頒獎嘉賓，負責頒「最佳編劇」獎。由於文詠珊曾於2016憑電影《赤道》入圍金像獎「最佳女配角」時，以一襲露背露長腿的超性感白裙亮相紅地氈而為之嘩然，而今次則一套米白色單肩晚裝上陣，性感程度稍遜，她說：「哎呀…揀啱場合嘅衫，最緊要靚，唔一定要性感，加上今次預咗上台被玩，因為郭子健急才好勁！」
提到前老闆黎明與新歡阿Wing的緋聞時，文詠珊說：「我有睇報紙，暫時未恭喜佢，相信黎生都收咗好多訊息，未知真定假，如果佢認咗先至恭喜啦！（你與黎明的新歡阿Wing熟嗎？）大家做過同事，唔熟，嗰時佢照顧李治廷多，我見黎生已經係一年前嘅飯聚！」
提到新工作，文詠珊將於四月到內地拍一套時裝電影，到時會逗留數個月。講到她很久未在港拍香港電影，她說：「繼上次《狂獸》後成年冇拍啦！好期待返嚟香港拍戲。」
----------------------------
東網巨星開咗ig喇，大家快啲follow啦！