【心上人係…】陳瀅對乖仔羅天宇冇Feel
20180318
東網電視
更多新聞短片
陳瀅（左圖）一講起羅天宇就落晒閘。
藝人陳瀅接受訪問時，透露今年係第一次參加比賽，所以叫咗幾位朋友一齊參加。問到點解唔叫埋緋聞男友羅天宇一齊參加？陳瀅即話：「哈哈哈哈！唔好咁講啦，本身都係friend，唔係好鍾意畀人講。（有傳羅天宇冧你？）冇咁嘅事，可能係上年一齊拍劇時演情侶有呢個位畀人寫，加上自己又單身。（有冇feel？）冇！」
勁冧方力申
提到陳瀅還是單身，她即指住方力申（小方），並話對方係自己嘅男神。問到係咪因為羅天宇同湯洛雯分手所以要劃清界線？陳瀅坦言三人同屬朋友，自己透過湯洛雯認識羅天宇：「唔好無啦啦介入，睇到都覺得肉酸。你話套劇播做宣傳就話OK啫，依家又未播，所以有少少唔舒服。（羅天宇係你嗰type？）佢係好乖嘅男仔，比較慢，但係我好快，拍劇嗰時已經夾唔到，做朋友都OK。」其後，陳瀅又話好欣賞小方經常做善事，心地又好。然後兩人影合照時，小方就笑言：「佢好識講嘢！」
----------------------------
東網巨星開咗ig喇，大家快啲follow啦！