【邱淑貞都做過】許雅婷《倚天》演小昭

20180319
東網電視
更多新聞短片
有咁多比較壓力實好大。
武俠小說改拍成電視或電影,次次收視都有番咁上下,所以相隔十年八載就會出現新版,好似《倚天屠龍記》咁就喺內地再次翻拍,除咗內地演員之外,都有唔少香港演員參演,好似樊少皇就飾演成崑,而演過1994年電視版獲封為「最美周芷若」嘅周海媚亦都有參演,今次佢由徒弟升呢做師傅,化身「最美滅絕師太」。
最近小昭一角公布結果,就係由香港演員許雅婷(Kabby)飾演,呢個角色都係美女一名,有唔少出名靚女演員演過,好似陳玉蓮就演過1978年電視版,邵美琪演過1986年電視版,而邱淑貞亦都演過1993年嘅電影版。
Kabby喺2012年以模特兒身份入行,期間都有拍過電影,2015年與簡淑兒、袁紫僑同溫心組成女子組合「少女標本」向樂壇發展,計番條數,其實Kabby入行都未夠6年,而且唔係專職做演員,論演戲經驗就唔算太多,之前「小昭」有咁多版本實會有比較,Kabby肯定會有唔少壓力,佢喺社交網甫咗一堆《倚天屠龍記》嘅劇本相,睇嚟佢都係想努力刨熟劇本做定功課,到時出街都唔怕同前輩嘅作品有比較啦!
----------------------------
東網巨星開咗ig喇,大家快啲follow啦!