「Hold住姐」謝依霖28歲生日　宣布結婚！

紅遍中港台的台灣女星謝依霖（Hold住姐）今日28歲生日，仲突然宣布封盤，雙喜臨門！佢喺微博分享喜訊：「今年生日我不一樣囉！阿霖脫單了！是的你沒聽錯哦！老娘也是有人要的～人都要有夢想嘛～我結婚啦恭喜我祝福我！人生難得怒刷一波存在感」並附上一張漫畫，圖中有一對男女及寫住「Green & Lin」，而其丈夫正是「Green」！

不少中港台明星包括同佢合演電影《小時代》系列嘅楊冪、郭采潔 均留言祝褔，而Hold住姐亦一一親自回覆！李晨留言：「永结同心百年好合」，她即回覆：「謝謝哥～我知道你含淚祝福！」

據Hold住姐的經理人表示，指Hold住姐和「Green」會於今天喺台灣登記結婚，因Hold住姐稍後好快要到內地工作，更言幾時舉行婚禮要視乎工作安排！

28歲嘅Hold住姐於2011年喺台灣節目《大學生了沒》中因扮嘢成功出位，而其口頭禪「整個場面給我hold住」更成為一時熱門嘅金句！之後佢轉戰內地仲同楊冪一齊出演《小時代》系列，以及同周迅合演電影《撒嬌女人最好命》等電影，身價暴升，仲係不少內地綜藝節目嘅常客！