此情不再！林峯親認同千語BB分手
20180319
東網電視
更多新聞短片
林峯正式宣布分手。
藝人林峯與女友吳千語之前多次傳出「分」訊，當事人一直未有回應，於今日影視博覽娛樂英皇電影巡禮活動中，林峯正式公開宣布與拍拖多年的吳千語分手。林峯表示詳細的不說了，更表示日後會專注工作。
林峯以全黑裝扮現身，精神尚好但明顯消瘦，他表示：「因為我拍緊網劇《PTU機動部隊》，冇理由做個肥警察！（為情消瘦？）我冇咁脆弱！我講埋呢次，私人事以後都唔答，其實我同千語都分開咗一段時間，畀啲空間我哋，感情隨緣啦！我會集中番工作！」
問到甚麼時候分開？新女友是否內地模特兒張馨月？林峯都一概封嘴，並稱：「多謝關心，唔講喇！再講就沒完沒了，況且今年事業上係我重要嘅一年，有三套電影，又有劇集同返大陸開工，都好忙。（為忘記情傷都填滿工作？）唔係，我經理人作風就係『質爆我』！（依家咩Status？）問呢啲係私人嘢，都話感情唔答！」與吳千語和平分手的林峯承認過去多年都放鬆了自己的工作，經過一輪沉殿後要再衝刺。
而吳千語公司表示千語對於二人分手一事暫時未有任何回應。
----------------------------
東網巨星開咗ig喇，大家快啲follow啦！