唔怕被惡搞!黃宗澤再孖吳卓羲合唱

20180320
東網電視
更多新聞短片
黃宗澤(左)同吳卓羲齊齊出席發布會。
藝人黃宗澤、吳卓羲、張兆輝、王敏德、吳岱融、王敏奕、劉心悠、徐子珊、溫碧霞、陳瀅、蔡潔等在會展出席「香港國際影視展」邵氏藝人簽約儀式及網劇《飛虎之潛行極戰》與《守護神》發布會。張兆輝、陳瀅、蔡潔等在現場簽約加盟邵氏。
合唱插曲
黃宗澤與吳卓羲除了主演網劇《飛虎之潛行極戰》外,還為網劇合唱插曲,現場更播出MV。黃宗澤受訪時講到與吳卓羲對唱情歌後,連忙澄清是兄弟情歌:「我都好耐冇唱歌,仲要合唱情歌,係講兄弟情嘅歌。」吳卓羲笑說:「我都係嚟到先知道首歌係插曲,唔係主題曲。」黃宗澤說:「首歌原本係三哥(苗僑偉)唱,佢唔唱咪變咗插曲囉。」其後吳卓羲又笑言:「我哋拍MV嗰陣都係背對着大家,當時係諗住劇中嘅女仔嚟唱。」現場又播出黃宗澤在劇中赤裸上身的騷肌畫面,他拍照時一臉尷尬。
為騷肌戒油同糖
談及黃宗澤與吳卓羲十年後再度合唱,黃宗澤說:「對上一次應該係唱奧運、世界盃嘅。(唱歌驚唔驚畀人網上惡搞?)冇所謂啦,都係得啖笑,三哥唔唱都冇辦法。(見到自己騷肌相尷尬?)唔係,依家男仔剝衫好似係慣例,女仔反而唔使除。(操得夠唔夠弗?)可以再好啲,男仔除衫仲慘過女仔。」在旁的王敏奕則爆黃宗澤為了Keep Fit騷肌,拍攝時不吃油和糖,黃宗澤則反擊說:「你都有騷腹肌、着小背心啦。」
唔恨騷肌
吳卓羲在劇中因後期才加入飛虎隊,拍攝時多穿飛虎制服,故拍攝時沒有騷肌機會。吳卓羲指不會羨慕黃宗澤有得騷肌,他亦不是鍚身,只是劇情沒有需要。網劇主題曲由近日宣布由林峯主唱,吳卓羲笑言:「唔講喇,我唔係好理解,唔講咁多。(林峯有冇同你吐苦水?)佢冇同我講呢啲嘢。」
----------------------------
東網巨星開咗ig喇,大家快啲follow啦!