拍戲似去旅行　衛詩雅自爆一個月肥足十磅

藝人衛詩雅於影視展宣傳其新網絡電影，她透露新戲與唐禹哲合作，她笑指今次拍戲拍得開心，似足度假一樣！她說：「真係好開心，好似去旅行咁，（使好多錢？）係使唔到錢呀，因為我哋一路行一路拍，想買嘅嘢劇組就買晒畀我，真係好似公主咁！」

並非首次與唐禹哲合作的她，透露戲中與對方有咀戲，更自爆拍攝這部網絡電影令她一個月肥足十磅，她說：「因為嗰度好凍，我就成日飲朱古力奶又食好多澱粉質嘅嘢去保暖，食完就用被包實自己，結果一個月就肥咗十磅返嚟！」原本返到香港繼續拍其他電影的她，就肥到無法連戲，要一邊拍一邊減！