見家長留好印象!阿嬌話婚後夾時間造人

20180321
東網電視
更多新聞短片
阿嬌話佢見家長嗰陣留低咗個好印象。
藝人鐘欣潼(阿嬌)出席時裝品牌活動,她身穿藍色長裙,並被在場人士大讚漂亮,問她是否人逢喜事精神爽,她說:「我非常開心,嚟緊準備返內地拍戲個幾月,同埋拍戲嗰邊好乾,所以最近日日都有敷Mask。(未婚夫會探班?)未知呀。」
唔畀阿媽買金豬
問到結婚籌備情況時,阿嬌表示仍未決定在哪裏拍婚紗照,而對方家長亦已經見過面,並指自己給予對方家長的印象很好,因為她自己本身是一個心地善良的人。問是否有被人催生,她說:「我同英皇珠寶講咗我阿媽嚟買金豬嗰陣,唔好賣畀佢,我唔想咁快戴金豬。(未來奶奶會送金豬畀你?)佢應該唔會,但會送家傳之寶或者珍貴嘢。(你有冇諗住生個豬仔?)我會生嘅,但大家要夾時間,睇緣分啦,一切都順其自然。(婚後會同老爺奶奶一齊住?)我同老公兩個人成日要周圍飛,所以唔會Stay喺度。」她透露現正在台灣找尋合適的地方,以便作新婚之用。
婚後繼續工作
阿嬌直言婚後仍會繼續工作,她指自己是一個勤力的藝人,時間方面可以自由分配,令其時間表更具彈性。問有關容祖兒與劉浩龍分手一事,阿嬌說:「最緊要喺祖兒開心啦,我哋係知心朋友,所以我唔會特登去八卦,佢遲吓會去歐美巡迴演唱三日。」
----------------------------
東網巨星開咗ig喇,大家快啲follow啦!